کد خبر : 28531
تاریخ انتشار : 5 مهر 1395 - 21:17
نسخه چاپی نسخه چاپی
تعداد بازدید 208 بازدید

چمه رّی / صمد دوستی

      صمد دوستی: چمه رّیتم تا سحر، صو صالحون بوئه خِرّت کِ مِ بای درد و بلات ؟ بن بن سخون بوئه خرت ! هر مگیردی شو ئو روژ و همتزاری کوشتمِ سال و ساتم گوم بیه، زار و زمون بوئه خرت بوو بِرَس دی سور و ساته بزرانه مَژَنن اسب و قیقاژ […]

 

 

photo_2016-09-26_13-33-08

 

صمد دوستی:

چمه رّیتم تا سحر، صو صالحون بوئه خِرّت

کِ مِ بای درد و بلات ؟ بن بن سخون بوئه خرت !

هر مگیردی شو ئو روژ و همتزاری کوشتمِ

سال و ساتم گوم بیه، زار و زمون بوئه خرت

بوو بِرَس دی سور و ساته بزرانه مَژَنن

اسب و قیقاژ و شَواز و سوم کتون بوئه خرت

ایره جمجاخِ خمه، تیری تو بایژ بچوچنی

تو صیاتی، آرشی، تیر و کمون بوئه خرت

سازیکم بی دنگ و بی کش، نُتَلی کول بی صدا

« لا » ئو « ر » ئو « سل » ئو « فا »، « میِ کُرون » بوئه خرت

وخته نوروز برسی، سیرکه وهار هت اِ دیار

شال دورّکونی شلوقِ سرِ بون بوئه خرت

چوکلیکم چوکیا اِ نوم چِرّینی چه بکم ؟!

تو چناری، م بچرّ سرو چمون بوئه خرت

هم گَرّین هم بیستوین، کلماکره خارت نوئی

تخت جمشید و پاسارگاد، تاق وَسون بوئه خرت

دس وه دامونتم چوی کاووس که وه روسم لالکیا

بوو بجنگ دیوَل بکوش شاه ایرون بوئه خرت

ایسکه مِ بیمسه شاعر بیتی نیرم درد بحور

فاعلاتن فعلاتن، هر کولون بوئه خرت

یسه ژار و دس پتی ئو هویچ ندارم یه بزون

چی ئی هَس ار گن و خو، عمر گرون بوئه خرت

 

 

دیدگاه ها

آدینه وند در گفته :

بسیار زیباست.یکی از بهترین غزلهایی بود که خواندم.آقای صمد دوستی با استاد کرم نسبتی دارند؟

[پاسخ]

ناشناس پاسخ در تاريخ دوشنبه 26 مهر , 1395 4:46 ب.ظ:

سلام بله پسر آقای دوستی هستن

[پاسخ]

آزادبخت در گفته :

بسیار زیبا بود

[پاسخ]

جوادمرادی در گفته :

احسنت
صدنازتوریا وخرت

[پاسخ]

ناشناس در گفته :

عالی بود ..
زنده باشین آقای دوستی

[پاسخ]

امرایی در گفته :

عالی بود…
زنده باشین آقای دوستی

[پاسخ]

بیان دیدگاه !

نام :