دلاوران هومیان / شادروان محمود قبادی
«دلاوران هومیان» دلاور مردی ژ طایفه قباد کاردان سیاسی هومیان کرد آباد پورِ حقعلی، شرفعلی نامی و شش دانگ مردی هر شش تمامی و جنگ و دعوا چو پور سام بی نترس ژ خانان طرهان تمام بی مرزبان بخش چگنی و طرهان مپیچ و نترس ژ کل دشمنان ژ دشمنانش دائم بی باک بی و […]
«دلاوران هومیان»
دلاور مردی ژ طایفه قباد
کاردان سیاسی هومیان کرد آباد
پورِ حقعلی، شرفعلی نامی
و شش دانگ مردی هر شش تمامی
و جنگ و دعوا چو پور سام بی
نترس ژ خانان طرهان تمام بی
مرزبان بخش چگنی و طرهان
مپیچ و نترس ژ کل دشمنان
ژ دشمنانش دائم بی باک بی
و وقت دعوا تند و چالاک بی
و مجلس بزم شکر رازی بی
و روژ مصاف تیراندازی بی
ژ بخش طرهان نامداری بی
و روژ نبرد تکسواری بی
صاحب سخاوت سفره و خوانی بی
دائم مرتب له مردانی بی
نوه میرزا خان نسل قباد بی
پی عظم شکار کهنه صیاد بی
و وقت شکار و سر دیاران
مره کل رمان و کوهساران
بسم الله و رحمان حکم پیرش بی
جفت جفت و یه شنگ کشته تیرش بی
هنجس و مَه پِل شکارگاهش بی
نقدعلی مدام و همراهش بی
او هم چو بهرام تیراندازی بی
چابک و چالاک پلنگ وازی بی
بی پروا ژ رزم نامداری بی
یه گزاف نیه میرشکاری بی
مَه ولی محبوب سفره داری بی
در بین مردم بخشداری بی
له مردان رنگین بیگزافی بی
و موقع حساو باانصافی بی
شیرولی هم مرد دیوان بی
و وقت حمله شیر ژیان بی
خیرخواهی او واضح و عیان بی
زیبا تکلم نطق و بیان بی
عوض بگ الحق عوض خانی بی
و لفظ شیرین خوش بیانی بی
ارا برال کل روح روان بی
و روژ مصاف مرد میدان بی
ایسا اسماعیل خان او هم صیاد بی
میرشکار معروف طایفه قباد بی
چابک کمر رو و رو کوهساران
قوقولش کیشل و سر دیاران
پی قطار رنگین دائم تک پوش بی
پی رزم دشمن مدام و جوش بی
نترس روژ رزم، همیشه شاد بی
و موقع دعوا خیلی استاد بی
دنیا تو مقام ژ کیت نسنن
تیر قهر مرگ او کیت نشنن
ناگهان اجل آوردان و گیر
و حکم قضا کردشان اسیر
محمود رو رو که پی عزیزانه
نوینون باعث چولی هومیانه
از دیوان شعر مرحوم محمود قبادی
تابستان 1367
××
باسپاس از سیدمجتبی حسینی عزیز به خاطر ایمیل این شعر
درود بر تو ای برادر . شادی روحش صلوات.
[پاسخ]