چمه رّی / صمد دوستی
صمد دوستی: چمه رّیتم تا سحر، صو صالحون بوئه خِرّت کِ مِ بای درد و بلات ؟ بن بن سخون بوئه خرت ! هر مگیردی شو ئو روژ و همتزاری کوشتمِ سال و ساتم گوم بیه، زار و زمون بوئه خرت بوو بِرَس دی سور و ساته بزرانه مَژَنن اسب و قیقاژ […]
صمد دوستی:
چمه رّیتم تا سحر، صو صالحون بوئه خِرّت
کِ مِ بای درد و بلات ؟ بن بن سخون بوئه خرت !
هر مگیردی شو ئو روژ و همتزاری کوشتمِ
سال و ساتم گوم بیه، زار و زمون بوئه خرت
بوو بِرَس دی سور و ساته بزرانه مَژَنن
اسب و قیقاژ و شَواز و سوم کتون بوئه خرت
ایره جمجاخِ خمه، تیری تو بایژ بچوچنی
تو صیاتی، آرشی، تیر و کمون بوئه خرت
سازیکم بی دنگ و بی کش، نُتَلی کول بی صدا
« لا » ئو « ر » ئو « سل » ئو « فا »، « میِ کُرون » بوئه خرت
وخته نوروز برسی، سیرکه وهار هت اِ دیار
شال دورّکونی شلوقِ سرِ بون بوئه خرت
چوکلیکم چوکیا اِ نوم چِرّینی چه بکم ؟!
تو چناری، م بچرّ سرو چمون بوئه خرت
هم گَرّین هم بیستوین، کلماکره خارت نوئی
تخت جمشید و پاسارگاد، تاق وَسون بوئه خرت
دس وه دامونتم چوی کاووس که وه روسم لالکیا
بوو بجنگ دیوَل بکوش شاه ایرون بوئه خرت
ایسکه مِ بیمسه شاعر بیتی نیرم درد بحور
فاعلاتن فعلاتن، هر کولون بوئه خرت
یسه ژار و دس پتی ئو هویچ ندارم یه بزون
چی ئی هَس ار گن و خو، عمر گرون بوئه خرت
بسیار زیباست.یکی از بهترین غزلهایی بود که خواندم.آقای صمد دوستی با استاد کرم نسبتی دارند؟
[پاسخ]
ناشناس پاسخ در تاريخ دوشنبه 17 اکتبر , 2016 4:46 ب.ظ:
سلام بله پسر آقای دوستی هستن
[پاسخ]